tirsdag 28. april 2009

La humla suse... og min fyrste award !!

Nok ein nydeleg dag på Vestlandet... Har vore ein strålande april :o) I går hadde eg ein "skogsryddar" på besøk, har endeleg fått tilbake den flotte utsikta vår!! Godt å sitje og sjå utover fjorden, fuglane kvitrar høgt og humla susar rundt fra morelleblom til morelleblom.



Har så mange ting eg ville ha gjort i hagen min... men kor skal eg byrja?? Får sitja og sjå på utsikta litt til, og planlegga litt... Halve arbeidet er vel ein plan?!



Jaja, eg får setje planen ut i livet i morgon, kanskje... :o)


Og så har eg jo fått min fyrste Award!!! Tusen takk til 4 små http://4smaa.blogspot.com/

Her utdypes det hva denne awarden gjelder:"Denne bloggen investerer i og tror på NÆRHET - nærhet i rom, tid og forhold.Disse bloggerne er usedvanlige, sjarmerende og søte, og formålet er å finne og å være venner.De er ikke opptatt av utmerkelser og selvhevdelse.Vårt håp er at når båndene på disse utmerkelser er kuttet, vil enda flere vennskap ha forplantet seg.Vær vennlig å gi litt ekstra oppmerksomhet til disse! Gi denne utmerkelsen til seks bloggere, som igjen må velge seg seks nye.Inkluder denne teksten i utmerkelsen deres."

Ser mange har fått denne utmerkelsen, men eg sender den vidare, sikkert til nokon som allerde har fått den. Men gode ting kan ikkje seiast for ofte :o)

http://josefinesquilts.blogspot.com/

http://4smaa.blogspot.com/


http://rodihob.blogspot.com/

http://tineskreativehjorne.blogspot.com/

http://malins-inspirasjon.blogspot.com/

http://emmelines.blogspot.com/

Ha ein finfin kveld!!




fredag 17. april 2009

Duggvått i graset, eg vandrar berrføtt...

Var ute og hengte opp kle i dag tidleg, i slippers, kjente eg vart våt på beina.... Herleg med dugg-vått gras! Er sommar for meg då! Dessutan kom eg til å tenkje på sangen til Bjørn Eidsvåg, min store favoritt. Ein av dei finaste tekstane hans, synes eg...



LIVSKÅTE FUGLAR
Livskåte fuglar, duggvått i graset eg vandrar berrføtt.
Skogen e vakker, livet e villigt og eg skimtar lysgløtt
Tenk å ha vore her med heile meg
anda inn livet så tett innte deg
lugge i graset og latt fjørå brusa
vore heilt edru, og likavel rusa
eg tør det ikkje
eg e redd for livet

Livskåte fuglar, duggvått i graset
eg vandrar berrføtt
Skogen e vakker, livet e villigt
og eg skimtar lysgløtt
Me får'kje vore her med heile oss
me kan ikkje elska, me kan ikkje sloss
for med eit knips kan dei stoppa tidå
alt me drøyme blir feid te sidå
me kan'kje leva - me e redd for dauden
Na na na na na ...
Tenk å ha vore her med heile meg
anda inn livet så tett innte deg
lugge i graset og latt fjørå brusa
vore heilt edru, og likavel rusa
eg tør det ikkje eg e redd for livet
tør ikkje leva e så redd for livet
tør ikkje leva


Ein flott tekst til ettertanke... grip dagen, nyt dei små augneblinka. Våg og lev livet ditt slik du vil . Du har berre denne eine sjansen....


Som tenkt, så gjort. Eg hadde fått våte tær og følelse av sommar. Måtte laga meg ein deilig Bringbærsmoothie.....

...forfriskande god.....


... som eg delte med vetlajento...

smootiebart og -lugg.....


HA EIN FLOTT VÅRDAG OG NYT LIVET...

onsdag 15. april 2009

Inspirasjon satt ut i livet....

I dag har eg vore og snopa på Kid. Fann desse flotte tinga, ei lykt, eit fuglabur og eit lite fat. Då var det berre å få minstajenta i seng, slik at eg kunne utfalde meg i planting og pynting....



Gamle og litt nyare potter, skåler og eit gammelt vaskefat vart kosta støv av og klargjorde for å komme fram i vårsola.



Søte og små Stemorsblomar fekk plass i potter og skåler....




det gamle vaskefatet vart fylt opp med Stemorsblomar


... eit lys plassert i fuglaburet....
Kjekt å pynta rundt dørene....

tirsdag 14. april 2009

Vårsol

Det er så godt når dagane er lange og lyse. Og sola varmar kropp og sjel. Skal prøva å nyta våren ekstra godt i år, siden eg er heime heile dagen....
.... spennande å kjenna på det kalde sjøvatnet.....

... godt med ein liten lur i beremeisen på veg heim.....

Ha ein fin dag, og håpar du får nyte vårsola!!



mandag 13. april 2009

Opning av badesesongen!!

I dag har me gått tur til Krabbahopen. I strålande sol, god følelse av vår, men litt kaldt nordavind. Ungane sa før me gjekk at dei skulle bada. "Klart dåke kan da", sa eg, og tenkte at det klarar dei aldri, da e jo iskaldt!!

Eldstemann var raskt uti og dukka under.... brrr....

Kristin syns da var iskald!! Kom tilslutt til magen.....

Nabojenta la seg på svøm to gonger....

søndag 12. april 2009

Rydding i rot, gir sinnsro :o)

Utruleg kor godt det er å kaste ting, av og til!! Min kjære er ein storsamlar! ALT har ein verdi for han, minne om tid som er forbi, ting han har fått av ein eller annan, men ikkje brukt på minst 10 år. Ting faren har fått, og som min kjære føler seg forplikta til å samle på!! Ting og tang som ikkje har vore savna dei siste 5 åra er for meg ting ein ikkje treng.... Me er flinke til å skaffe oss nye ting utan å kaste.... Det vil jo tilslutt bli fullt over alt!!


Me har nett kasta stolen eg arva etter Grandtante Anna. Ein skinnstol i brunt med tilhøyrande krakk. Den kunne både svingas og gyngas!!! Den har stått nede i kjellaren og samla støv og spindelvev i minst 5 år... Ingen har savna den. Inntil me, eller eg rettare sagt, skulle kasta den. Då satt gubben seg godt tilrette i stolen, som allerede var kommen i tilhengaren. "Denne kan du ikkje kasta!?", utbraut han med vantru i stemma. "Den e jo så go å sitta i!! Med sving og greie..!!?? Stolen vart teken ut av tilhengaren for ei lita stund, før eg måtte bere den opp att i tilhengaren... Mi arv, eg bestemmer!! Den havna på SIM...

torsdag 9. april 2009

Tur i sol og regn








Gjekk ein tur i Valen i dag... såg årets første Kvitveis!! Den er eit sikkert teikn på vår, det likar eg.



Me gjekk på Postvegen, var nede til Vågen, og gjekk langs sjøen. Valen er no ei flotte bygd. Skulle eg ha flytta, måtte det blitt her!







Fann nokre fine påskelinjer ved sjukehuset. Utruleg flott!! Mange som stod så strame og flotte ilag! :o)












God Påske til alle som ser innom!

1. gang...

Då prøve eg meg på blogging.... Håpar å legge ut litt kjekke og nyttige (?) hendingar fra kvardagslivet mitt. Som for tida stort sett består av barn, mann, hus og litt turgåing....